Xa temos App! Dispoñible para Android e iOS
Agora podes seguir o noso traballo desde calquera lugar, máis rápido e cómodo que nunca.
Aínda que seguimos a traballar a tope na nova web, temos unha nova que non podiamos agardar máis para contarche: xa temos app!
Agora podes levar O Legado de Max no peto, ver os últimos peludos en adopción, acceder aos artigos e colaborar máis doado que nunca desde o móbil.
E que máis estamos preparando?
Sección de adopcións mellorada:
Unha galería máis visual e fácil de navegar para atopar o teu novo compañeiro.
Blog educativo:
Artigos prácticos sobre coidados animais e emotivas historias de adopción (en camiño).
Colaboración transparente:
Páxinas renovadas para facer doazóns ou unirte como teamer.
Deseño inclusivo:
Unha experiencia máis clara e accesible para todas as persoas.
Como instalar a App?
Se estás no teu móbil, visita a nosa páxina de inicio e preme no botón “Instalar App”. En só uns segundos terás acceso a todas as nosas novidades!
Estamos actualizando diariamente a sección de os nosos peludos, así que volve pronto para coñecer máis amigos que buscan fogar!
Grazas por acompañarnos nesta nova etapa! Seguiremos mellorando, pero xa podes explorar, compartir e axudar dende o móbil. O Legado medra contigo!