Os Nosos Peludos

Lobito ten só 15 meses. O seu humano faleceu, e a familia di que non pode facerse cargo. Un caso máis de herdanza que non inclúe empatía. Probablemente veu dunha desas casas onde segue viva a idea neandertal de que castrar é antinatural, sen pensar no benestar real do animal. Segundo contan, Lobito lévase ben con outros cans e con gatos, pero sabemos que agora mesmo está desorientado, triste e botando de menos á súa persoa. É un cruce de mastín, está vacinado é castrado Busca unha familia que o coide de verdade. Para sempre. Non é un peluche… aínda que algún día o foi para alguén. E por iso merece exactamente os mesmos dereitos —ou máis— que calquera cachorro de portada.

Actualización: En acollida pre adoptiva Testada (negativo), vacinada, desparasitada Carácter: Cariñosa, ronroneadora, tranquila e moi doce Comportamento: Ideal para primeira adopción. Adaptada á convivencia con humanos. Scarlet apareceu soa nun campo de Carballo, chea de parásitos e fame. Pasou por veterinario, ingresada e en tratamento, e agora está lista para atopar o seu fogar definitivo. Se buscas unha gatiña agarimosa, tranquila e chea de amor, Scarlet é perfecta para ti. Escríbenos e organizamos unha visita para coñecela.

Este rapaz tan guapo chámase Muiño. Abandonar un animal é sempre un acto cruel. Pero a gravidade dese acto medímola polas circunstancias… e o de Muiño foi especialmente duro: deixárono diante dunha casa onde viven cans que non toleran gatos. A súa sorte foi a reixa que os separaba. Muiño ten un carácter espectacular: é sociable con persoas e con outros gatos, xogador, traste e simpático coma el só. Está castrado, vacinado, desparasitado e testado negativo a leucemia e inmunodeficiencia felina. Calculamos que ten entre 2 e 3 aniños. E por se fose pouco… non lle ten medo aos cans, ao contrario: achégase con curiosidade e cordialidade. --- Por que adoptar un gato adulto? Porque xa coñecemos o seu carácter, o seu estado de saúde e, malia o que moita xente pensa, adáptanse moi ben ao seu novo fogar. Se estás buscando un compañeiro perfecto, Muiño é o teu gatiño ideal. Estamos en Carballo. Escríbenos e coordinamos unha visita para que o coñezas!

A Paco atopouno Eva e chamou para avisarnos. Estaba moi delgado, sen chip, con marcas no pescozo e cun anaco de cadea que contaba todo: o seu pasado foi vivir encadeado. É un canciño obediente, agarimoso e moi dependente das persoas. Encántanlle os mimiños e corre libre con alegría, aínda que tamén é tranquilo e moi dócil. As veterinarias calculan que ten uns 7-8 anos, aínda que quizais algún máis, porque as cataratas xa comezan a notarse. Está vacinado e esta semana será castrado. Buscamos para el unha adopción ou unha acollida indefinida antes de que perda por completo a visión. Son 13 quilos de amor que merecen unha xubilación digna.

Chegou a nós xunto a dous compañeiros, todos con sarna e sinais de abandono. Toddy, ademais, tiña unha antiga rotura na cadeira, posiblemente por un golpe dun coche. Agora está curado, é agarimoso e obediente, e só quere esquecer o pasado e atopar un fogar onde sentirse seguro e querido

Curly ten 2 anos aproximadamente. Está testado, vacinado e castrado. É tranquilo, cariñoso e sociable con outros gatos. Tamén se adapta a cans con boas presentacións.