Os Nosos Peludos

Linda – Unha cadeliña doce que busca fogar Linda é unha cadela nova, de aproximadamente 3 anos, castrada, desparasitada e vacinada. É tan doce como o seu nome indica, e está máis que preparada para atopar unha familia responsable que a coide para sempre. É sociable, cariñosa e moi agradecida. Se estás buscando unha compañeira fiel e afectuosa, Linda pode ser a túa mellor amiga. Localización: Carballo, A Coruña Estado: En adopción

Cinza é unha cadeliña preciosa de 6 anos, castrada, vacinada e desparasitada. Moi sociable, boa e chea de agarimo, está preparada para atopar unha familia responsable que a coide como merece. Está en Carballo (A Coruña) e lista para comezar unha nova vida! Se queres coñecela ou darlle unha oportunidade, escríbenos! Grazas por compartir!

Esta beleza de panteriña chámase Andrea! Ten só 9 mesiños e xa está preparada para atopar unha familia responsable de adopción. É unha gatiña moi cariñosa, agarimosa e sociable con outros gatos. Encántalle durmir no colo, recibir atención e mimos, e compartir espazos con outros felinos, polo que é perfecta para un fogar onde xa haxa máis gatos. Está testada (negativa a inmunodeficiencia e leucemia), vacinada, desparasitada e pronto será esterilizada. É unha compañeira ideal para quen queira un corazón felino cheo de tenrura e bo carácter.

Apolo é un cruce de mastín atigrado cun pelaxe máis longo do habitual. Ten arredor de 2 aniños, pesa uns 40 kg e ten un carácter tranquilo e moi agarimoso. Está castrado, vacinado e desparasitado, listo para conquistar un novo fogar definitivo. Un compañeiro xigante de corazón doce que merece unha familia á súa altura.

Claudio é outro dos nosos guapísimos que segue agardando por unha familia responsable e con moito amor para dar! É moi cariñoso, sociable e xoguetón, un compañeiro perfecto que está listo para comezar unha nova vida ao teu carón. Ten arredor de 5 aniños, está castrado e vacinado, e con moitas ganas de dar e recibir agarimo. Se cres que podes darlle o fogar definitivo que merece, cubre o noso cuestionario previo de adopción e ven coñecelo. Claudio está preparado... faltas ti! ❤️👇

Lobito ten só 15 meses. O seu humano faleceu, e a familia di que non pode facerse cargo. Un caso máis de herdanza que non inclúe empatía. Probablemente veu dunha desas casas onde segue viva a idea neandertal de que castrar é antinatural, sen pensar no benestar real do animal. Segundo contan, Lobito lévase ben con outros cans e con gatos, pero sabemos que agora mesmo está desorientado, triste e botando de menos á súa persoa. É un cruce de mastín, está vacinado é castrado Busca unha familia que o coide de verdade. Para sempre. Non é un peluche… aínda que algún día o foi para alguén. E por iso merece exactamente os mesmos dereitos —ou máis— que calquera cachorro de portada.