Os Nosos Peludos

A Paco atopouno Eva e chamou para avisarnos. Estaba moi delgado, sen chip, con marcas no pescozo e cun anaco de cadea que contaba todo: o seu pasado foi vivir encadeado. É un canciño obediente, agarimoso e moi dependente das persoas. Encántanlle os mimiños e corre libre con alegría, aínda que tamén é tranquilo e moi dócil. As veterinarias calculan que ten uns 7-8 anos, aínda que quizais algún máis, porque as cataratas xa comezan a notarse. Está vacinado e esta semana será castrado. Buscamos para el unha adopción ou unha acollida indefinida antes de que perda por completo a visión. Son 13 quilos de amor que merecen unha xubilación digna.

Chegou a nós xunto a dous compañeiros, todos con sarna e sinais de abandono. Toddy, ademais, tiña unha antiga rotura na cadeira, posiblemente por un golpe dun coche. Agora está curado, é agarimoso e obediente, e só quere esquecer o pasado e atopar un fogar onde sentirse seguro e querido

Curly ten 2 anos aproximadamente. Está testado, vacinado e castrado. É tranquilo, cariñoso e sociable con outros gatos. Tamén se adapta a cans con boas presentacións.

Faba, 2 anos. Castrada, vacinada e testada. É unha gata algo tímida ao principio, pero cando colla confianza é moi cariñosa. Tranquila, doce e discreta, ideal para un fogar que respecte o seu ritmo e lle dea moito amor.

Mía, gata de 8 meses en adopción en Carballo (A Coruña). Castrada, vacinada e testada. É moi agarimosa e busca unha segunda oportunidade tras ser abandonada pola súa antiga familia.

Violeta, 1 ano e medio. Castrada, vacinada, testada… Lista para atopar fogar! É unha gata moi cariñosa e lévase ben con outros gatos, sempre que a deixen mandar, claro! Reinita da casa asegurada.